自從踏入中學之後，真係無買過聖誕卡咁濟
對上一次買聖誕卡已經要追溯到小學雞時代，個陣D文具店一到聖誕就會擺哂D聖誕卡出黎比我地揀。
通常1蚊張既聖誕卡 = 專比D HI 拜 friend，入面寫句聖誕節快樂就算，依堆1蚊卡我係買得最多。
3蚊-5蚊既聖誕卡 = 專比D平時玩開既朋友，除左寫句聖誕節快樂之外，仲會加返幾句粗口同幾張比卡超貼紙比下面。
而20蚊+有音樂既聖誕卡 = 專比D女神級既女仔，入面多字到好似寫論文咁，幾乎所有貼紙都貼哂入去。
個種含羞搭搭咁將聖誕卡比女神個種感覺同埋好似信差例行公事派卡比D朋友仔個種感覺幾令人回味。
十幾年無買聖誕卡，岩岩諗住去買D聖誕卡返黎寫，當我行到去文具店，已經見到有堆學生妹係到揀，我置身其中即時覺得自己後生左，於是扮下那些年諗住揀下聖誕卡，點知一望價錢，仆你個街，幾乎張張十幾廿蚊，最平都要8蚊
我心諗: 咁撚貴既? 邊有人買?
點知見到堆學生妹個個手頭上拎住起碼廿幾張，個到埋單玩下手都要幾百蚊，比著當年....幾百蚊已經可以買到幾百個HI 拜 friend...
我醒起通常有一盒既聖誕卡買，雖然Cheap cheap地，無咩特別，但都叫做"卡"丫! 之後揀中左幾盒，覺得都唔錯，但一擰轉睇個價錢，屌! 又係百幾蚊，仲要得20張....
我企係到望住堆聖誕卡，我睇唔透將來，快D 末日please!
Search